Aftur og enn | IVAR

Lyrics

Afur og enn
Texti: Jón Thor Gíslason
Lag: Ívar Sigurbergsson

Horfðum fram og sáum sól
forlögin við færðum í
kjól og hvítt og héldum jól
lifðum vellystingum í

Aftur og enn
árin líða hjá
endaleysa
ekkert lifa má
eins og það er

Sólin hnígur,dagur deyr
nóttin bíður næðandi
ei þó varir endalaust
óður, tíður, hrynjandi

Aftur og enn
árin líða hjá
í stöðugum straumi
sem aldrei breyta má

Áttum ást sem andar djúpt
eyðimörk sem laðaði
fundum vin og drukkum drúgt
hún nakin okkur baðaði

Aftur og enn
hún sækir, skækir að
kemur og fer
en á sér stöðugt stað
innan í mér
„sjónhverfingar“